話說尋日第一日上堂撞正我生日。因為得一堂中六，同學仔好早排隊（最早嘅五點😂），我又好早到，大家坐係度傾下計等七點幾上堂。
突然間同事話有人送Deliveroo畀我，一大袋超級sweet（入面乜都有，零食呀飲品呀一大堆，仲要全部我鍾意🥰），但無卡又無名，於是我話不如轉送畀現場Live學生，大家分黎食啦，全場同學仔就餓鬼上身拍哂手😆
我心諗我生日仲要我請大家🙄
最後大家check完一輪，都唔知係邊個人送，同事話睇下張單，有寫名，但原來呢個有心人新開嗰account，寫住係YYLAM，哈哈。嗱，大家唔好誤會，唔係我自己送比自己！
唔知係邊個有心人，但想出個post同你講，我收到啦，多謝哂，但你知我最著緊學生所以我全部轉贈佢地希望你唔好介意🍭
Search